I TURNED 53 TODAY !

'എന്റെ' ജന്മദിനാശംസകൾ !!!

അങ്ങനെ ഞാൻ 53 ആയി ! 120 ആണ് ഈ ജാതകന്റെ യോഗം. ഇനി 67 കൊല്ലോംകൂടി. 2083- ഇൽ കടുകടുത്ത ഡയറ്റിങ്ങിലേർപ്പെട്ട് പ്രായോപവേശം ചെയ്യാമെന്നാണ് പണ്ടേ തീരുമാനം.

വരയ്ക്കാനിരുന്നപ്പോൾ പലപല ഐഡിയകൾ ചുറ്റും കൂടി. കാപ്പി കാത്തിരുന്ന എന്റെമേൽ heavily ചാരി സൂത്രത്തിൽ മറിച്ചിടാൻ നോക്കിക്കൊണ്ട്, " ഇന്നിനി കാപ്പി വേണ്ട, ശുഭപന്തുവരാളി മതി" എന്ന് ഉപദേശിക്കുന്ന സംഗീതകലാനിധി ലേഖാംബാൾ ആയിരുന്നു ഐഡിയ ഒന്ന്. പക്ഷെ, രാഗഭാവം അറിയുന്നവരിലേ അത് ഏൽക്കൂ.

പിന്നെയും ആശയങ്ങൾ വന്നു. ഭാര്യാംബാൾ അതൊക്കെ കാണാനിടയായാൽ ശനിയാഴ്ചയിലെ കസ്റ്റമറി പരിപ്പ്-മാങ്ങാ മൊളോഷ്യം, പാവയ്ക്കാ മെഴ്ക്കോര്ട്ടി (എറണാകുളം ജില്ലയിലെ പെർ-ക്യാപ്പിറ്റാ മെഴ്ക്കോര്ട്ടി & വെളിച്ചെണ്ണ ഉപഭോഗത്തിൽ TOON & TUNE കുടുംബത്തെ വെല്ലാൻ ആർക്കും ആവില്ല എന്ന് ഓർത്താൽ നന്ന് ) എന്നിവ മെനുവിൽനിന്ന് അപ്രത്യക്ഷമാകും എന്ന് അനുഭവമുള്ളതുകൊണ്ട്, സാക്ഷാത്കരിക്കാൻ പോയില്ല.

ദാ, ഇനി വര കണ്ടോളൂ.

ഇത് നിങ്ങൾക്കുള്ള എന്റെ പിറന്നാൾ സമ്മാനമാണ് ! സ്വീകരിച്ചാലും !!!