ഈ ചങ്ങാതിയെ ഞാനെങ്ങനെ മറക്കും ?

തൃപ്പൂണീത്തുറ ചക്കങ്കുളങ്ങര ശിവന്റമ്പലത്തില് 1970-75 കാലത്ത് എല്ലാക്കൊല്ലോം സപ്താഹത്തിന്ന് 
കാണൂമായിരുന്ന തടിയൻ പട്ടരുകുട്ടിയെ ?

ഇപ്പോൾ കൊല്ലങ്ങളായി , 'സദ്യ' എന്ന് കേൾക്കേണ്ട താമസം സ്ഥിരം താമസഭാവം കൈവെടിഞ്ഞ് ഞൊടിയിടയ്ക്കുള്ളിൽ ക്ലീൻ രാജസഭാവം കൈക്കൊള്ളാൻ ദി ഷോര്ട്ട് & ഫാറ്റ് ഫാമിലിയെ പ്രേരിപ്പിച്ചുകൊണ്ടിരുന്ന എന്റെ ഈ പ്രിയപ്പെട്ട അന്നദാതാവിനെ ?

റിട്ടയർമെന്റ് ലഞ്ചിന് മാസ് കുക്കുടവധത്തിനായി അലമുറയിട്ടിരുന്ന ഏറണാകുളത്തേം മട്ടാഞ്ചേരീലേം ഇൻകംടാക്സ് ഹിംസ്രജന്തുക്കളെ കമ്പ്ലീറ്റ്ലി മനം മാറ്റി പരമസാത്വികരാക്കിയ ഈ അഹിംസാവാദിയെ ?

എല്ലാക്കൊല്ലവും ഓണത്തിന്, രാമനെ കണ്ട് ഒരു രസ്സികൻ ഊൺകാര്യം ചർച്ച ചെയ്യണം എന്നു വിചാരിക്കും. 
അതിനി പറ്റില്ല ...

വിനായക കേറ്ററേഴ്സിന്റെ അനന്തരാമൻ ഇനിയില്ല...